Mínimo suobre la lhéngua mirandesa
L mirandés, ou lhéngua mirandesa, ye l nome dua lhéngua falada ne l Nordeste de Pertual, yá zde antes de la fundaçon de la nacionalidade pertuesa. Quanto a a strutura ye ua lhéngua románica, que tubo la sue pramcipal orige ne l lhatin. Storicamiente pertence a la família de las lhénguas stur-lhionesas, adonde tamien stan l sturiano i l lhionés. Até 1884 fui solo ua lhéngua falada. Zde anton, tamien se ten screbido, tenendo ua Cumbençon Ourtográfica zde 1999. Mormente apuis de l séclo XVI i anque seia ua lhéngua falada an Pertual zde l sou ampeço cumo paíç, l mirandés ye ua lhéngua anferiorizada tanto an questones culturales i sociológicas cumo tamien an questones políticas, dado que Pertual tenga sido apersentado, até hai mui pouco tiempo, cumo l único paíç monolhingue de la Ouropa, afinal falsa sceçon a la regra de l bilhenguismo ou multilhenguismo de ls bários países. An 1999, cula Lei n.º 7/99, de 29 de Janeiro, ls dreitos lhenguísticos de ls mirandeses, stribados na sue lhéngua, fúrun oufecialmente reconhecidos an Pertual. An 07 de setembre de 2021 l Stado pertués assina la Carta Ouropeia de las Lhéngua Regionales ou Minoritairas.
