Cursos de Lhéngua mirandesa na anternete – Nible 2

---

Terminórun l passado més de abril dous cursos de lhéngua mirandesa de Nible 2.

Quando an febreiro passado la Direçon de la ALCM resolbiu abançar c’un curso de Nible 2 i açpuis de passadas trés horas de ser dado a conhecer a quien yá tenie l Nible 1, cuntarmos cun más de trinta apuntes, nun houbo outro remédio do que abançar cun dous cursos a la par.

Assi, a cada turma de 20 alunos / formandos, además de ls cuntenidos lhenguísticos dados puls porsores Ana Afonso i Alfredo Cameirão, inda pudo ser tratado un tema an cada ua de las “aulas”, splicado por un specialista. Desta maneira pudimos falar tamien de la cultura mirandesa an uito puntos prancipales: Dançadores, por Orlando Teixeira; La baca mirandesa, bídios dobrados an mirandés cun splicaçones suobre la raça i antrebistas a un produtor; Pendones de Miranda, por Alcides Meirinhos; Capa d’Honras, por Maria Suzana de Castro; Lhiteratura oural mirandesa, por António Bárbolo Alves; Quemidas, por Adélia Pires de l restourante Malharrés; Quelóquios, por Valdemar Gonçalves; Patrimonho cunstruído, por António Rodrigues Mourinho.

Desta maneira, más ua beç la ALCM chegou a pessonas que doutra maneira serie quaije que ampossible tenéren cuntato tan apurado cula nuossa lhéngua, anque de momento la Direçon de la ALCM steia a pensar nun curso presencial an Miranda ne l próssimo més d’agosto.